Græna Kannan kaffihús

Heitur hádegisverður er í boði alla virka daga í Græna Könnunni frá kl. 12:30 til 13:00. Þú getur líka fengið heimagerðu tómatsúpuna og brauðið okkar alla daga, einnig um helgar. Súpan er gerð úr lífrænum tómötum og grænmeti úr gróðurhúsunum okkar.

Starf Sólheima byggir á grunni sem Sesselja Hreindís Sigmundsdóttir lagði, grunni sem mótaður er af íslenskum veruleika í byrjun 20. aldar, mannspeki Rudolf Steiner og kristilegum gildum. Hugmyndafræði Dr. Karls König og Global Eco-village Network og nálganir Järna í Svíþjóð eru meðal þeirra þátta sem einnig hafa áhrif á hugmyndafræði Sólheima í dag. Dr. König, eins og Sesselja, lagði ríka áherslu á að fólk með sérþarfir deildi jöfnum kjörum með öðru fólki í leik sem starfi.

Kjarni hugmyndafræði Sólheima er hinn sami og lagt var upp með þann 5. júlí 1930: að veita einstaklingum tækifæri. Sólheimar skapa hverjum einstaklingi sem þar býr tækifæri til að vaxa, þroskast og að vera nauðsynlegur og virkur þátttakandi í samfélaginu.

Það hefur alla tíð verið mjög breytilegt hverjir hafa haft mesta þörf fyrir þau tækifæri sem Sólheimar hafa upp á að bjóða og þannig verður það um ókomna tíð. Það er jafn brýnt nú eins og það var árið 1930 að skoða samfélagið sem við búum í og hlusta eftir hverjir það eru sem mesta þörf hafa fyrir tækifæri á Sólheimum.

Við fengum jörðina ekki í arf frá forfeðrum okkar – við fengum hana að láni frá börnum okkar

Heimsækja vefsíðu Sólheima